Gwasanaethau Trafnidiaeth Cymunedol Dolen Teifi

Beth yw Trafnidiaeth Cymunedol?

Yn Trafnidiaeth Cymunedol Dolen Teifi, rydym yn helpu pobl i aros yn gysylltiedig â’u cymunedau.

Gan ddefnyddio gyrwyr gwirfoddol, cerbydau cymunedol a phartneriaethau lleol, rydym yn darparu cludiant fforddiadwy a hygyrch ledled Ceredigion a Sir Gaerfyrddin — gan helpu pobl i gyrraedd apwyntiadau, siopa, gweithgareddau cymunedol a gwasanaethau bob dydd.

Wrth i wasanaethau trafnidiaeth gyhoeddus leihau mewn llawer o ardaloedd gwledig, mae cludiant cymunedol wedi dod yn fwyfwy pwysig. Trwy weithio ochr yn ochr â chymunedau lleol a Chanolfannau Cymunedol, rydym yn helpu i lenwi’r bylchau a chefnogi pobl i barhau’n annibynnol, yn weithgar ac yn gysylltiedig.

Ein Gwasanaethau Trafnidiaeth Cymunedol

Rydym yn cynnig ystod o opsiynau cludiant cymunedol drwy ein rhwydwaith o Ganolfannau 'Hybiau' cymunedol ledled Ceredigion a Sir Gaerfyrddin.

 Minibysiau Cymunedol

Ar gael i’w llogi gan grwpiau cymunedol.

Ceir Hygyrch

Ar gyfer mynd â phobl i apwyntiadau iechyd, siopa ac ati. Yn addas i gadeiriau olwyn.

 Hyfforddi Gyrwyr Gwirfoddol

Wrth galon ein sefydliad mae gwirfoddolwyr. Darganfyddwch fwy.

 Beiciau Cymunedol

Cysylltwch â ni am ragor o wybodaeth am ein beiciau cymunedol, gan gynnwys beiciau cargo.