Gwerth Gwirfoddoli yn y Gymuned

Mae gwirfoddolwyr wrth galon Trafnidiaeth Cymunedol Dolen Teifi. Heb eu hamser, eu caredigrwydd a’u gwybodaeth leol, byddai llawer o bobl mewn cymunedau gwledig yn ei chael hi’n anodd cael mynediad at apwyntiadau, siopa, gweithgareddau cymdeithasol a gwasanaethau bob dydd.

Gyrwyr Gwirfoddol

Ydych chi erioed wedi meddwl am wirfoddoli yn eich cymuned, ond ddim yn siŵr sut y gallech helpu?

Rydym yn gweithio gyda phartneriaid cymunedol ledled Ceredigion a Sir Gaerfyrddin, gyda cherbydau wedi’u lleoli mewn trefi a phentrefi lleol drwy ein rhwydwaith o Ganolfannau Cymunedol. Mae hyn yn golygu bod cyfleoedd gwirfoddoli ar gael mewn nifer o gymunedau ar draws yr ardal.

Os oes gennych ychydig oriau i’w sbario bob mis, yn mwynhau gyrru ac yn hoffi cwrdd â phobl newydd, gallai bod yn yrrwr gwirfoddol fod yn ffordd werth chweil o gefnogi eich cymuned.

Rydym bob amser yn chwilio am yrwyr gwirfoddol ledled Ceredigion a Sir Gaerfyrddin i helpu pobl i gyrraedd apwyntiadau ysbyty a deintydd, teithiau siopa, gweithgareddau cymunedol neu yn syml i fynd allan. Mae llawer o wasanaethau cludiant cymunedol ledled Ceredigion a Sir Gaerfyrddin yn dibynnu ar wirfoddolwyr, ac mae pob taith yn gwneud gwahaniaeth gwirioneddol i ddiwrnod rhywun.

Pwy all wirfoddoli?

Rydym yn croesawu gwirfoddolwyr sydd:

• Dros 25 oed.
• Mae trwydded yrru lân yn ddymunol ond nid yw’n hanfodol.
• Darperir cefnogaeth lawn a hyfforddiant arbenigol, gan gynnwys hyfforddiant sy’n cael ei gydnabod ar draws y sector cludiant cymunedol.
• Yn mwynhau gyrru ac yn hoffi cwrdd â phobl.

Cyfleoedd Gwirfoddoli Eraill

Ddim â diddordeb mewn gyrru? Mae llawer o ffyrdd eraill o gymryd rhan.

• Tasgau gweinyddol
• Glanhau a pharatoi cerbydau
• Marsialu mewn digwyddiadau cymunedol
• Dosbarthu neu arddangos posteri
• Cefnogi gweithgareddau a phrosiectau cymunedol

P’un ai ydych yn gallu rhoi ychydig oriau yn achlysurol neu wirfoddoli’n fwy rheolaidd, byddem wrth ein bodd yn clywed gennych.

Cysylltwch â ni i gael rhagor o wybodaeth am gyfleoedd gwirfoddoli gyda Trafnidiaeth Cymunedol Dolen Teifi.
Ffoniwch ni ar 01559 362403 fam ragor o fanylion neu anfonwch e-bost at info@dolenteifi.org.uk